懂行的都懂，要真的看懂星爷电影里的神哏，一定要看原版，不然你可能错过60%的笑点。而今日，我就讲下星爷电影之中的粤语梗，无论会不会粤语的人，都可能忽略咗以下笑点。
钦敬出自《鹿鼎记之神龙教》
,多隆对韦小宝擦鞋：小人对你嘅钦敬有如滔滔江水连绵不绝……”，韦小宝顶唔顺叫佢唔好成日对住自己钦敬！
粤语中，钦敬同男性（不可描述）部位同音，所以韦小宝先咁抗拒。
武林兵器排行榜，小李飞刀系第四位，唐家霸王枪第三位，书生夺命剑第二位，唐伯虎问佢娘亲第一位系边个，娘亲答系小李飞刀嘅娘亲。唐伯虎脱口而出一句——“原来系小李老母飞刀！”
【隐藏梗】“小李老母”=“小你老母”，喺粤语之中系一句问候对方母亲嘅粗口。
朱茜出自《唐伯虎点秋香》
当年唐伯虎阿爹同书生夺命剑决斗，唐伯虎娘亲搞搞震冇帮衬，一次又一次玩咗自己老公。唐伯虎阿爹忍无可忍闹人：“小喇叭，朱茜你系咪玩嘢！”
小喇叭同样系问候对方娘亲嘅粗口，而唐伯虎娘亲个名叫朱茜，同样系“猪閪”嘅谐音，指猪嘅（不可描述）部位。
“一日冚包散”与“含笑半步钉”分别系唐伯虎同华夫人嘅独门毒药，服用者都会喺短期内毙命。
好多字幕都写成“含笑半步癫”，但粤语版星爷讲嘅系“含笑半步钉”，“钉”系粤语中有死亡嘅意思，更贴切毒药嘅效果。
对穿肠系七省文状元兼宁王参谋将军，人称对王之王，但同华安（唐伯虎）对联比试中被怼得口吐鲜血。
对穿肠嘅谐音就系“怼穿墙”，而有老司机会认为，佢深层意思系某个（不可描述）部位犀利到可以怼穿墙。
类似嘅仲有著名人名“吴好缇”同“吴广得”，出自《九品芝麻官》。
而对穿肠同华安嘅对联，至今仍然觉得好经典，每一句都“暗藏玄（cu）机（kou）”——
赌圣第一次见赌侠，刘德华饰演嘅赌侠用刀切出四个A，代表四张A，然后星爷直接从达叔袋入边攞出五支烟。
“烟”系粤语之中又指纸牌A，“五条烟”其实就系五张A嘅意思，咁样串赌侠，说明赌圣真系好细路仔。
《大话西游》结尾，两个豆腐西施辛苦买豆腐赚钱供相公上京赶考，吴孟达饰演嘅相公最后衣锦还乡，安慰两位娘子：“辛苦娘子磨豆腐！”
磨豆腐……（画面太不可描述，你自己查啦！）
常欢为追回真爱何里玉，使出杀手锏cosplay《终结者2》主角经典嘅机车造型，最后成功抱得美人归。
阿诺德·施瓦辛格嘅港译名系“阿诺舒华·辛力加”，为增加喜剧元素，周星驰两次讲错佢个名，故意讲成“阿诺猪华·生力啤”！
钟镇涛喺酒楼推点心车嘅时候，hea住做嘢，口入边讲紧：“唔似猫、唔似狗、师奶淫得很”，后来推肠粉车，一直讲“想瞓”。
头三个一一对应点心车上个“鱼翅包、鱼翅饺、鲜虾银针粉”，“想瞓”就系“肠粉”嘅粤语谐音。
《逃学威龙》之中，周星星潜入一间学校做卧底查案，呢间学校就叫做“圣育强中学”。
粤语中，“圣育强”=“xing欲强”，香港搞笑电影之中好常见，喺《超级学校霸王》 、《猛男滚死队》 均出现过。
比起《皆大欢喜》，星爷电影之中嘅粤语梗就更加多元化同无厘头，识嘅人会瞬间秒懂，会心一笑，唔识嘅就真睇完都蒙查查。
每次重温星爷嘅电影，总会发现一啲之前忽略嘅笑点，呢个就系星爷嘅搞笑功力！
