无投资者、100%由观众决定係咪开拍嘅电影《坚尼地道》，邀得影帝黄秋生主演，斋听众筹开戏已经非常新鲜，吸引唔少观众留意，加埋黄秋生就无得唔课金啦？

课金支持开戏《坚尼地道》

Photo / kickstarter@《坚尼地道》

电影《坚尼地道》採用众筹形式获得拍摄资金，最后开唔开到戏全取决于观众支唔支持。电影靠13分半钟预告交代故事前传，秋生表面上係一位教车师傅，其实係地下集团首脑，靠贩毒及杀人等不法勾当获取暴利，专向老屎忽同有钱人下手，以撞车形式杀人以获取轻判。

众筹嘅电影《坚尼地道》，就发生喺预告短片时空的几年之后，黄秋生嘅生意已经发展成集团式管理，更以方式向年轻人灌输仇富思想，以有钱人同贩毒等工作从而令世界变得更好。

Photo / kickstarter@《坚尼地道》 Photo / kickstarter@《坚尼地道》

如果想无偿支持，就锺意课几钱金都得，而想有啲揸拿，最平港纸$168就有一张电影网上戏飞送返，$388就送埋电影海报，支持方案由$168到$74,888不等。

Photo / kickstarter@《坚尼地道》

目标今年10月24日之前筹得1000万就可以开戏，现时众筹计划推出两日，就筹到逾55万，虽然距离目标仍有一段距离，不过故事题材及众筹形式都相当新鲜而吸引，网友睇完预告都有讚无弹，相信能成功开戏的机会颇大，想支持嘅朋友除咗课金之外，都记得Share埋畀朋友一齐支持香港电影。

课金支持开戏《坚尼地道》

Photo / kickstarter@《坚尼地道》